Naleqartitat
Amarup naleqartitatut tunngavii
Pingaarnertut naleqartitat sisamat naleqartitatut tunngavigaavut: Isumassuineq, Ilisarnassuseq, Akisussaassuseqarneq Suliatigullu ilisimasaqarneq. Naleqartitat taakku perorsaanermi sulisullu suleqatigiinneranni tunngaviupput.
Isumassuineq
Paaqqinnittarfimmi inuusuttuaqqat ajorsartutut sumiginnagaasutullu misiginerpassuit aqqusaakkajuttarpaat. Taamaammat isumassuinermik takutitsinissaq, taamaallaat nerisassatigut atisassatigullu pinnani aammali inuusuttuaqqat ataasiakkaatut asseqanngitsutut aallunnissaat pingaartipparput.
Ilisarnassuseq
Inuusuttuararpassuit aalajangersimasumik tunngaveqarnatik paatsiveerusimaarnartumik inuuneqartarput. Taamaammat erseqqissunik periuseqarnikkut malittarisassaqarnikkullu ulluinnaat siumut nalunanngereersuutillugillu aaqqissuussaasumik ingerlattarpavut, taakkulu inuusuttuaqqanik toqqissisimatitsillutillu ineriartornissaannut periarfissiisarput.
Akisussaassuseqarneq
Inuusuttuaqqat akisussaassuseqartunik maligassiuilluartunik amigaateqakkajuttarput. Taamaammat Amarumi atorfillit taamaattuunissaat pingaarnersiorparput, taakkulu inuusuttuaqqat namminneq inuunerminnut akisussaaffimmik tigusinissaannut aalajangikkamilu kingunerisa paasinissaannut ikiortarpaat.
Suliatigut ilisimasaqarneq
Inuusuttuaqqat avatangiisinit atuarnermik ilinniarnermillu pingaartitsinngikkajuttuneersuusarput. Taamaammat piginnaasaasa atorluarnissaannut ileqqutoqqallu unitsinnissaannut kajumissaarinissarput pingaaruteqarpoq. Sulisuvut ilinniarluarsimasuupput inuusuttuaqqamillu sapinngisamik pitsaanerpaamik tapersersuinissaat qulakkeerniarlugu ingerlaavartumik periaasissaminnik eqqarsaatiginnittarput.